ekran платформа за слободоумни
Црвениот крст на Република Северна Македонија секоја година традиционално го одбележува Светскиот ден на Црвениот крст и Црвената полумесечина во чест на основоположникот на нашето Движење, Анри Динан кој е роден на 8 Мај 1828 година. Исто така во периодот од 8-15 Мај нашата организација ја одбележува и Неделата на Црвениот крст на Република Северна Македонија.
Оваа година Црвениот крст на Република Северна Македонија на 08 Мај 2022 година (недела) на јавниот простор Школка во градскиот парк ќе организира настан од промотивно – забавен карактер за одбележување на Светскиот ден на Црвениот крст и Црвен полумесечина под мотото Биди човечен/ Bëhu njerëzor. Официјалната програма ќе започне во 12:00 часот и ќе трае до 15:00 часот.
Во рамки на настанот Црвениот крст ќе ја промовира кампањата по прва помош под мотото Првата помош спасува живот со која е предвидено е да се спроведат бесплатни обуки по прва помош за 25000 деца од основни и средни училишта во целата земја. На овие обуки децата ќе имаат можност да стекнат основните знаења за укажување на прва помош како брза и витална интервенција чија цел е да спаси човечки живот, но и да се намалат компликациите од настанати повреди и инвалидитет.
На настанот ќе се обратат Претседателот на Црвниот крст на РСМ Ромел Велев, Генералниот секретар на Црвениот крст на РСМ Саит Саити, министерот за здравство Беким Сали, директорот на Македонска пошта Васко Стефанов и Државниот секретар на министерството за образование Анета Трпевска.
Ќе ни претставува особено задоволство и чест да присуствувате на настанот со цел заедничка заложба за подигање на јавната свест за важноста за едукација на населението за правилно и навремено пружање на прва помош.
