ekran платформа за слободоумни
Чедвик Боземан, актерот најпознат по улогата во „Црн пантер“ на Марвел, починал од рак на дебелото црево на само 43. години.
Тој ја загубил битката со болеста после четири години. Боземан, кој е роден во Јужна Каролина, починал во својот дом, а со него биле и неговата сопруга и семејството, се наведува во соопштението на социјалните мрежи.
Chadwick Boseman did all those films after being diagnosed with Stage III colon cancer, in the middle of surgeries and chemo?
Then he didn't 'lose the battle against cancer'. He won. He f**king won — because he put that disease in its place until the very end!
Hero! pic.twitter.com/7n2agPLUQA
— 'Fisayo Soyombo (@fisayosoyombo) August 29, 2020
Боземан, кој живеел во Лос Анџелес, има играно повеќе историски личности познати по рушење на расните бариери во Соединетите држави, меѓу кои се и онаа на соул пејачот Џејмс Браун во „Get on Up”“, судија на Врховниот суд на САД во „Маршал“ и првиот афроамерикански професионален бејзбол играч, Џеки Робинсон, во „42.“
Сепак, тој е најпознат по улогата на Т’Кал, крал на измисленото африканско кралство Ваканда, кој исто така е борец против криминалот познат како Црниот пантер.
„Црниот пантер од 2018 година“ е првиот филм за суперхерој во кој актерите биле претежно Афроамериканци.
„Црниот пантер“ беше меѓу филмовите со најголема заработка за таа година, и беше номиниран за шест Оскари, вклучувајќи го и оној за најдобар филм. Тој доби три од нив – за најдобра филмска музика, за продукциски дизајн и за најдобар костимограф.
Главниот лик на Црниот пантер беше создаден две години порано, кога исто така го играше Боземан во филмот на Марвел „Капетан Америка: Граѓанска војна“.
