ekran платформа за слободоумни
ДЕЛОВИ на водопадите Нијагара лоцирани во државата Њујорк на границата меѓу САД и Канада замрзнаа за време на викендот, откако минатата недела температурите во тој дел на Америка се спуштија на минус 18.
Британски „Индипендент“ пишува дека туристите кои се нашле таму вчера можеле да видат и фотографираат големи парчиња мраз како плови по реката, а облаците од пареа и виножитото биле атракција во текот на целиот ден.
View this post on Instagram
Весникот пишува дека, иако на некои фотографии се чини дека водопадот е целосно замрзнат, водата никогаш не престанува да тече, и покрај екстремно студеното време, а големи ледени површини на водопадот се забележани во текот на 2014. и 2015. година, кога областа ја зафатил поларен вортекс.
View this post on Instagram
Како и многу американски држави, државата Њујорк беше погодена од студен бран во последните две недели, а во следните неколку дена се очекуваат повеќе врнежи од снег.
Последен пат вакви сцени на водопадите во Нијагара беа видени во 2017 година, кога на тој дел од земјата падна повеќе од половина метар снег, а водопадот и околните области беа опкружени со мраз.
Фото: Принтскрин/Instagram
