(ВИДЕО+ФОТО) Намуртеното бебе е ХИТ: Само што се родило, веќе направило „фаца“!

Кога докторката по царскиот рез започнала да ја удира по газето за да заплаче, новородената Изабела толку се намуртила што нејзината прва фотографија веќе стана вирален хит и меме…
Малечката Изабела Переира де Јесус, која е родена во болница во Рио де Жанеиро на 13-ти февруари со царски рез, многу брзо покажала што мисли за тоа удирање по задникот бидејќи лекарите сакале да направат да заплаче, за да се осигури дека белите дробови функционираат добро. Но, наместо да заплаче, таа уренебесно се намуртила!

За среќа, професионалниот фотограф Родриго Кунстман, кого мајката Дајана де Јесус Барбоса го ангажирала да го слика породувањето, бил во можност да го долови изразот на новородено бебе. Фотографијата наскоро стана вирална и се претвори во меме. Кунстман за бразилскиот магазин „Crescer“ изјавил дека лекарот дури морал да „го замоли“ бебето да заплаче, што таа го направила, но само когаи ја исекле папочната врвца.

Кунстман споделил серија фотографии од тие моменти, како и видео кое го снимил за време на породувањето.
Гордата мајка вели дека фотографијата покажува колку е храбро нејзиното бебе.

„Моето бебе се роди храбро. И тоа е веќе меме. Инаку, таа секогаш го брчка челото кога и ги менувам пелените или ја доим“, изјавила таа за локалниот весник G1.

„Малечката Изабела требало да се роди на 20. февруари, но таа го одбрала својот ден и веќе ја покажала својата личност“, вели нејзината мајка