ekran платформа за слободоумни
Холандскиот блогер за патувања Лук Патрик Хугмоед објавик хумористично видео во кое ги наведува работите што никогаш не треба да ги кажете кога патувате на Балканот.
Тој изјавил дека многупати патувал на Балканот и дека тој станал негов омилен дел од Европа поради неговите „убави луѓе, безбедни градови, недопрена природа и топла култура“.
Сепак, тој истакнал дека има некои работи што треба да избегнувате да ги кажувате при посетата.
„Кога и да сте во Србија или Хрватска, само договорете се со луѓето таму за националноста на Тесла. Каде и да сте, не кажувајте дека бил Американец…“, изјавил тој како прва точка.
View this post on Instagram
Тој тогаш нагласил дека Балканот не е најдобро место за да не се јаде месо.
„Ако кажете ‘Јас сум веган’, можеби ќе добиете чудни погледи. Земете го сето тоа со резерва, се разбира, ништо лошо нема да ви се случи ако сте веган“, рекол тој.
Лука вели: „Никогаш не прашувај некој од Балканот дали зборува руски. Тоа ќе ве убие…“.
„Како некој кој не пие алкохол, од прва рака го доживеав шокот што луѓето го чувствуваат кога ќе им кажам дека не пијам. Нивните лица само зборуваат за чист шок“, продолжил тој.
Тој истакнал дека треба да бидете внимателни ако го споменувате Косово, особено во Србија и Албанија.
„’Не сакам фудбал’. Тоа е исто така забрането во овие краишта. Само преправајте се дека ви се допаѓа и ќе добиете дополнителни поени ако го знаете локалниот тим“, рекол тој, истакнувајќи дека на видеото не е прикажан натпревар од Балканот.
Друга работа што ја спомнал е неговото мислење за Тито: „Повторно, обидете се да внимавате на вашето мислење за човекот и за Југославија воопшто. Многу луѓе имаат драстично различни ставови за историјата, затоа имајте почит. И повторно, секогаш можете да прашате нешто. Балканците многу љубезно ќе ја објаснат својата историја.”
„Балканците се многу страсни и често се прикажуваат како ладни и луди пијаници, но не се (сите) такви, не грижете се“, рекол тој.
Фото: Принтскрин/Instagram
