ekran платформа за слободоумни
Снимката од апсењето на една жена во Иран ја шокираше јавноста.
На снимката од апсењето минатата недела се гледа како полицајци во Техеран фаќаат жена со стап за куче и ја влечат за коса и ја туркаат во комбе.
Заменик началникот на полицијата во Техеран, полковник Морад Моради, потврдил дека жената е уапсена за, како што наведл, навредливо однесување и додал дека видеото ќе биде прегледано.
Моради, исто така, за агенцијата ИСНА изјавил дека жената била агресивна кон полицијата. Локалниот бизнисмен поднел дополнителни обвиненија, рекол Моради, но не прецизирал какви се обвиненијата.
Видеото покажува дека жената нема шамија, што во Иран е кривично дело, но Моради негирал дека тоа е причината за нејзиното апсење. Тој, исто така, одбилда каже дали жената е повредена, бидејќи додека ја влечеле за коса кон комбето, таа удрила со главата по вратата.
Не е познато кога и каде е снимено апсењето, а снимката на социјалните мрежи ја сподели Масих Алинехат, активистка за правата на жените во Иран, со коментар „наскоро Талибанците ќе им го прават тоа на жените во Авганистан“.
Today in Iran.
Soon enough Taliban would do the same again to the women of Afghanistan.
Taliban And Islamic Republic will never be really reformed.#MyCameraIsMyWeapon pic.twitter.com/VdqxnJZTir
— Masih Alinejad 🏳️ (@AlinejadMasih) October 13, 2021
Таа исто така оценила дека ветувањата на полицијата дека ќе го истражат инцидентот се „голема лага“.
„Последниот пат кога полицијата брутално претепа жена за да спроведе морал, исто така реагираа“, рекла таа. И тогаш, кога ситуацијата се смирила, тие поднеле тужба против жената што ги снимила“.
Today police officials in Iran said that they would deal with these officers. Big lie. Last time when morality police savagely beat women, police showed the same reaction, but as soon as the atmosphere calmed down, they prosecuted the woman who filmed it.#MyCameraIsMyWeapon https://t.co/itX2XjE8Oe
— Masih Alinejad 🏳️ (@AlinejadMasih) October 16, 2021
Моралната полиција е формирана по Исламската револуција во 1979. година со задача да спроведе строги правила на општеството.
Фото: Принтскрин/
