(ВИДЕО) Скопјани, во кафулињата, 2019. ја испратија со „Едно име имаме“ и „Ѓурѓа“

Во скопските кафулиња и кафеани на големо се прославуваше заминувањето на старата година. Иако официјално последниот ден во годината беше работен, кафулињата ги отворија вратите за дневните колективни прослави. По завршувањето на работните обврски, скопјани ги полнеа кафеаните и кафулињата, а атмосферата од час во час се вжештуваше.

Во последните години вообичаено е во Скопје да се прославува преку ден, а вечерта да се помине во домашна атмосфера. Сепак, најхрабрите остануваат и да ги затворат кафеаните и да го пречекуваат утрото.

Се прославувало со македонски песни, а најгласно ечеле „Едно име имаме“ и „Ѓурѓа“.

Ви пренесуваме дел од атмосферата.