(ВИДЕО) Продолжението кое никој не го посакуваше и не го очекуваше: „Доаѓа Гладијатор 2“

Продолжението на култниот филм „Гладијатор“ и официјално доби датум за прикажување по неколкумесечни шпекулации.
Како што пренесува Variety, Gladiator 2 треба да излезе на 17. ноември 2024 година, а главната улога ја презеде Пол Мескал, чиј кастинг се уште не е официјално потврден. Овој 27-годишен Ирец е познат по улогите во „Normal People“ и „Aftersun“.
Со години љубителите на првиот филм создаваа теории за потенцијално продолжение и можна франшиза на „Гладијатор“ универзумот, а режисерот Ридли Скот уште во 2018 година изјави дека плановите за продолжение се подготвени, а минатата година потврди дека сценариото е завршено, велејќи дека има многу компоненти од првиот дел, на кои може да се потпре, продолжи и прошири приказната.

Оригиналниот „Гладијатор“ го воодушеви целиот свет со неговото објавување во 2000 година. На Оскарите во 2001 година освои дури 5 награди и остана запаметен како еден од најдобрите филмови досега.
Не се знае многу за приказната за продолжението. Други информации поврзани со заплетот на филмот, како и остатокот од кастингот треба да се знаат во текот на годината.

Фото: Принтскрин/YouTube