(ВИДЕО) Потполна трансформација на Колин Фарел за новата улога

Излезе нов трејлер за филмот „Бетмен“ која доаѓа во кината следната година. Главната улога ја игра Британецот Роберт Патисон. Овој пат, улогата на главниот негативец во филмот ја доби Колин Фарел, кого никој не го препозна.
Од година во година, ние сме сведоци на неверојатни трансформации на познати актери во филмови и серии. Со помош на технологија и подобри трикови за шминкање, но и генијалност и упорност на актерите, нивните ликови на екранот се целосно непрепознатливи. Една од последните вакви трансформации се случи во филмот „Бетмен“.
Во улога на негативецот Пингвин, ќе го гледаме Колин Фарел.
Кога беше објавен трејлерот за новиот филм на Фарел, никој не го препозна. Одличниот актер успеа целосно да се трансформира во измислениот лик на негативецот кој исто така го играше и Дени Девито.
Девито изјави дека се возбудил кога го видел Фарел во улогата.
Фарел зборуваше и за самиот проект. Тој рече дека е чест што е дел од овој голем проект што милиони со нетрпение го чекаат.
„Едвај го чекам тоа. Иако немам многу сцени, овие неколку во кои се појавувам ме направија многу среќен. „Пингвинот е фантастичен лик“, рече актерот.