Актерот од Холивуд, Алек Болдвин, за време на снимањето ја застрела директорката на фотографија Халина Хачинс, која работела на бројни филмови.
Таа починала од прострелна рана, која ја добила за време на снимањето на филмот „Рѓа“. Таа имаше 42. години. Хачинсон била застрелана во импровизирана црква на сетот.
View this post on Instagram
Само два дена пред трагедијата Халина објави видео од снимањето на филмот на кое се гледа како јава коњ во пустина. Насмеана, среќна и полна со ентузијазам, таа беше снимена додека шета низ пустината со колегите во филмот.
– Една од предностите на снимањето вестерн е тоа што можеш да јаваш коњи кога имаш слободен ден – напишала несреќната Халина.
Родена во Украина во 1979. година, Халина пораснала во советска воена база во Арктичкиот круг. Таа студурала на Националниот универзитет во Киев и дипломирала меѓународно новинарство пред да започне да работи на британски документарни продукции како истражувачки новинар. Нејзиното вистинско име е Галина.
Подоцна се преселила во Лос Анџелес и дипломирала на Конзерваториумот на Американскиот филмски институт во 2015. година. Во 2018. година била снимател во лабораторијата „21st Century Fox DP“, а една година подоцна била избрана за една од ѕвездите во подем на списание „American Cinematographer“.
Фото: Принтскрин/Instagram