Традиционални маалски игри, аниматори, воздушни замоци, Young Dadi и многу други активности во недела на „Авионче“

Настанот „МААЛСКИ ИГРИ БЕЗ ГРАНИЦИ“ ќе им понуди на граѓаните целодневна бесплатна забава за децата и родителите со многу активности за игра и забава

Во недела (16 јуни) од 12:00 до 20:00 часот – паркот „Авионче“ во Ново Лисиче – Општина Аеродром ќе биде претворен во голем забавен парк каде децата ќе можат да си играат, да се натпреваруваат, да другаруваат и да забавуваат на настанот „МААЛСКИ ИГРИ БЕЗ ГРАНИЦИ“.

Играњето игри пред маалата и дружењето проследено со детски џагор е сѐ помалку присутно во скопските населби, a во минатото тоа беше препознатлив симбол на маалскиот живот кај скопјани. Модерното време ја донесе дигитализација, децата се оттргна маалата и играта, а тоа придонесе децата сѐ помалку да се социјализираат.


Нашата цел е реафирмирање на маалските игри без граници кои се подзаборавени под налетот на новите технологии и виртуелните електронски игри. Исто така, наша цел е да се промовираат и поттикнат здрави практики преку спортување и дружење, како неопходни квалитативни компоненти во животот на секој човек, особено на децата и младите.

Децата ќе имаат можност да се натпреваруваат во народна, грабни стапче, плочка, влечење со јаже, граница или сакате ли војна, плочка. Како дополнителни активности децата ќе имаат можност да се анимираат во еден од 6 воздушни замоци.


Покрај овие активности ќе ни гостува и настанот „FAMILY DAY“ кој ќе овозможи одлична дружба, забавни активности, подароци и изненадувања. На сцената ќе настапат ди-џеј ѕвездата во подем Dj Freeky, оригиналниот и забавен аниматор Ѓурчиновски и најголемата тинејџерска музичка атракција Young Dadi.

Настанот е поддржан од Општина Аеродром, учеството во сите активности е бесплатно и не е потребно претходно пријавување, деталната програма и распоред на активности може да ја најдете на социјалните медиуми www.facebook.com/maalskiigribezgranici или www.instagram.com/maalski_igri_bezgranici/ .


©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.

Видете следно

(ФОТО) СОБРАЛА КОМПЛИМЕНТИ – Шерон Стоун во долна облека ја пресоздала легендарната сцена од „Сурови страсти“

Шерон Стоун ја пресоздала својата легендарна сцена од филмот „Сурови страсти“ облечена во долна облека …