ekran платформа за слободоумни
Краткиот филм „Прошетка“ на Елеонора Венинова ќе ја има својата светска премиера на 29-то издание на Фестивалот за краток филм во Леувен, Белгија, еден од најпрестижните европски фестивали, кој воедно е и квалификациски фестивал за Оскарите и Европските филмски награди.
„Прошетка“ е еден од 35-те селектирани филмови одбран од вкупно пријавени 3240 филма, кој ќе се натпреварува во Европската селекција и тоа и за четири награди: награда од жирито, награда од филмаџиите, награда од публика, како и номинација за Оскарите и Европските филмски награди.
Филмот е финансиран од Агенцијата за филм, во продукција на „Три точки“ и во соработка со „ДНФ филм“ и „Вардар филм“.
Kortfilmfestival Leuven ќе се одржи од 24.11 до 02.12.2023 година.
