Средба на министерот Адеми со учесници на Меѓународниот фолклорен фестивал „Скупи“

Министерот за култура Асаф Адеми, денеска, во просториите на Министерството за култура оствари кратка средба со претставници на културно уметничкото друштво „Каршиака” кои се организатори на 12-тиот по ред Меѓународен фолклорен фестивал „Скупи 2018″.

Станува збор за фестивал од ревијален карактер кој е дел од Годишната програма на Министерството за култура за поддршка на проекти од национален интерес и на кој учествуваат фоклорни друштва од девет земји од регионот и светот: Мексико, Аргентина, Северен Кипар, Украина, Бугарија, Турција, Албанија, Косово и од Македонија. Во рамките на фестивалот учесниците кои се вистински репрезенти на фолклорот и традицијата на земјите од каде доаѓаат ќе одржат повеќе концерти и тоа денеска во општина Сарај и утре на плоштадот „Скендербег” во Скопје. На средбата министерот Адеми на присутните им врачи пригодни подароци.