Едни поинакви ледени коцки кои за љубителите на кокосот ќе се вистинско откритие…
Состојки:
Кора:
300 г мелени бисквити
200 г рендано чоколадо
100 мл млеко
Бел дел:
500 мл млеко
80 г гриз
100 г шеќер
200 г кокосово брашно
Глазура:
100 мл слатка павлака
100 г чоколадо
40 г путер
Подготовка: кора: измешајте ги мелените бисквити и ренданото чоколадо, додајте млеко, изедначете и нанесете во калап покриен со хартија за печење, по дното и страните, или едноставно убаво намачкајте со путер.Убаво притиснете ја смесата и префрлете во фрижидер.
Бел дел: од млекото, шеќерот и гризот сварете крем и во уште топлата смеса вмешајте го кокосовото брашно. Кремот префрлете го во друг сад, израмнете и покријте со прозирна фолија, да не се фати коричка. Оставете убаво да се излади па нанесете на кората. Израмнете и префрлете во фрижидер
За глазурата загрејте ја слатката павлака, но не до вриење и додајте ги путерот и искршеното чоколадо. Убаво измешајте да добиете хомогена смеса. Со глазурата полијте го убаво изладениот колач и префрлете во фрижидер.Најдобро е да остане преку ноќ, ако издржите да не го пробате.
Рецепт за совршен непечен колач: Ледени коцки со кокос и мелени бисквити
©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.