Промоција на сликовницата „Лили“ напишана од Теона Цоневска и нацртана од Ирина Атанаскова, во издание на Чудна шума, на 18 ноември, сабота, во 12:00 во кафе-бар Морис.
Лили e растение кое живее во прекрасна цветна градина. Како доаѓа времето за цут на одредено растение, така тоа си добива цвет. Едно по друго, сите растенија во градината расцутуваат… Сите освен Лили. И така, таа трпеливо чека да расцути… додека градината секоја година блеснува во најразлични бои. Дали Лили ќе добие цвет или ќе остане само едно обично зелено ливче?
Оваа сликовница е напишана и нацртана од две сестри – Теона Цоневска (текст) и Ирина Атанаскова (илустрации), а е посветена на сите цвеќиња кои сѐ уште чекаат да расцутат.