Во понеделник, на 13 ноември 2023, од 19:00 часот, Театарот при Домот на културата “Иван Мазов – Климе“ Кавадарци, премиерно ќе ја одигра претставата за деца “Црвенкапа и шумскиот судија“, работена по мотиви на Браќата Грим, а по текст и во режија на Микица Илова.
Претставата е во рамките на “Месец на театарот/Театар, имагинација, реалност“.
Во претставата играат: Марија Јосифовска, Сашко Орешков, Елена Илиева, Ристе Стојанов, Валерија Пашова, Стефанија Јованова.
Костимографија: Сара Милевска; тон и светло: Пепи Ангелов; Суфлери: Атанас Димков и Александар Стојков; Сценска поддршка: Диме Темков и тим на Дом на култура Кавадарци.
“Црвенкапа повторно има проблеми. Вообичаената приказна денес има нови моменти. Кој е виновникот? Ајде заедно да откриеме.“