Починал гитаристот на АББА: „Беше фантастичен музичар и ретко скромен“

Лас Веландер, гитаристот на некои од најголемите хитови на АББА, починал на 70-годишна возраст по кратка битка со тешка болест.
Лас одигра голема улога во повеќето снимки и турнеи на легендарниот бенд во текот на 70-тите и 80-тите години, а исто така беше вклучен и во создавањето на последниот албум на групата, „Војаџер“, кој беше објавен во 2021 година.
– Со неопислива тага мораме да соопштиме дека нашиот сакан Ласе заспа. Беше фантастичен музичар и скромен како ретко кој друг, но пред се, беше прекрасен сопруг, брат и дедо – стои во изјавата на неговото семејство, пренесува Mirror.
Тој свиреше на вкупно 24 студиски снимки на бендот, вклучувајќи ги и сите осум студиски албуми. Покрај АББА, свиреше и со голем број други бендови и уметници од Шведска.
За време на неговата кариера, тој беше награден со бројни награди, вклучувајќи го и престижниот шведски кралски медал наречен Litteris et Artibus во 2010 година. Подоцна беше примен во шведската музичка куќа на славните во 2014 година заедно со другите членови на AББA.

Фото: Принтскрин/YouTube/Henrique Pinho, Fejsbuk/Lasse Wellander