Ема Донев од ХРВАТСКА (со македонско потекло) влезе во финалето на светскиот натпревар на млади научници Breakthrough Junior Challenge.
Тоа беше потврдено и на официјалната страница на натпреварот, каде Ема беше означена како „врвна во народното гласање“.
Хрватска, Македонија и други земји од регионот обезбедија вкупно 156.100 лајкови за Ема на видеата на YouTube и Facebook, додека второпласираниот Абел собрал вкупно 151.900.
Победникот добива стипендија за саканиот колеџ
Потсетуваме, 14-годишното девојче од Иваниќ-Град ја освои Хрватска со својата љубопитност, знаење, иницијатива и животна желба да стане астрофизичар.
Со напорната апликација за Breakthrough Junior Challenge, Ема направи се’ што можеше сама бидејќи стручното жири ја избра нејзината работа меѓу 30-те најдобри од дури 2.400 кандидатски апликации од целиот свет. Но, само лајкови можеа да ја доведат до победа, па деновиве цел регион се собра да и помогне да го оствари својот сон.
Ема беше единствениот претставник од Хрватска и Европската Унија.
Во финалето кое ќе се одржи во Сан Франциско, познати светски научници ќе изберат – победник кој ќе освои стипендија за посакуваниот колеџ во износ од 250.000 долари, како и реновирање на училиштето што го посетува во вредност од 100.000 долари. Победникот ќе го избере и наставникот кој го инспирирал и го поттикнал неговиот интерес за науката, а наставникот ќе биде награден со дури 50.000 долари.
Фото: Ема Донев