ekran платформа за слободоумни
На денешен ден во 1974 година во Винковци (Република Хрватска) е роден хрватскиот боксер, ММА борец, кик-боксер и К-1 борец Мирко Филиповиќ. Основно училиште и гимназија завршил во родното Винковци, а по завршувањето на гимназијата оди во Загреб каде се запишува на полициската академија, а потоа работи во специјалната антитерористичка единица на хрватската полиција, поради што го добива прекарот „cro cop“ (хрватски полицаец).
Во својата кариера има 38 победи и 11 порази. Во 2006 година го освојува Pride Grand Prix, а во 2007 потпишува за UFC. Својот детски сон го исполнува во 2013 година кога во Загрепската Арена го освојува K1 World Grand Prix со што станува втор човек кој успеал да ги обедини титулите во K-1 и MMA.
Во 2019 година, поради здравствени причини става крај на својата богата кариера.
