На денешен ден беше родена легендата на македонското падобранство Нада Ицева-Салџиева

Нада Ицева-Салџиева е родена на 18 декември 1934 во селото Павлешенци, Светиниколско. Таа беше најуспешната македонска падобранка во женска конкуренција и падобрански инструктор.

Првенството на Југославија го освоила пет пати (1956, 1958, 1959, 1960, 1964), а како репрезентативка на Југославија учествувала во Светскиот јадрански куп во Тиват (1957 и 1959) и Порторож (1963), како и државниот тримеч во Софија (1957) и во Букурешт, една година подоцна.

Нада Ицева има изведено преку илјада падобрански скокови. Победник е на повеќе меѓународни падобрански купови и е републички рекордер во женска конкуренција во сите падобрански дисциплини. Добитник е највисокото признание на ФАИ – Меѓународна воздухопловна федерација „Златна мечка со три дијаманти“.

За најдобар спортист на Македонија била прогласена во 1956 година. Беше членка на Аероклубот од Скопје и својот работен век го помина како инструктор по падобранство.

Нада Ицева-Салџиева починала на 15 септември 2005 година во Скопје.