Денес, во Макка бар, со почеток од 12:00 часот, во организација на „Вет Свет“ традиционално по петти пат ќе се одржи предновогодишна хуманитарна дружба, со цел да се помогне на бездомните крзнени пријателчиња.
Разубавете го вашето секојдневие со календар, слика, честитка или накит од локален уметник!
Ќе ја поддржите алтернативната уметност
Ќе ја поттикнете креативноста на вашите деца
Со мал гест ќе дадете голем придонес за благосостојбата на бездомните мачиња
Ќе се забавуваме заедно, ќе изработуваме накит од монистри, ќе цртаме на чаши и ќе изработуваме картички со колаж техника, а за убава атмосфера со специјална музичка селекција ќе се погрижи DJ Tecktone.
Заедно преку забава и изработка на подароци да им дадеме поттик и на нашите деца дека се дел од нешто поголемо и да го искусиме дарот на хуманоста.
Затоа што големите промени доаѓаат со мали чекори. Да покажеме дека освен што сме одговорни сопственици на домашни миленици, знаеме да помогнеме и на оние кои немаат топол дом!