Во петок, 23 февруари 2024 година во Едукативниот Културен Центар „Лабораториум“ со почеток во 21:00 часот, PMG JAZZ KLUB продолжува со својата серија концерти, а овојпат ќе може да уживате во музиката на ЛЕТЕЧКИ ПЕКИНЕЗЕРИ, без двоумење еден од водечките современи македонски џез бендови.
Свинг-џез квинтет формиран во Скопје, во 2004 година, Летечки пекинезери е бенд со огромен репертоар оригинални теми, a за создавање на репертоарот, најмногу се ангажирале основачите на бендот, Бојан Петков-Шамба (гитара) и Иво Солдатовиќ-Сол (кларинет). Останати членови на бендот се: Петар Христов, тенор-саксофон, Кирил Туфекчиевски, двоен бас и Славчо Коцев, тапани.
Пекинезери деновиве пробиваат нови правци на нивните музички интереси, па се чини ова е извонредна можност да се запознаеме со актуелните интереси на бендот.