ekran платформа за слободоумни
Отворањето на изложбата на фотографии од Бобан Китановски ќе се случи денес во 20:00 часот во Галеријата – „Империјал – 2“ во Културно Информативниот Центар (КИЦ) Скопје и ќе биде поставена со можност да се погледне до 28.03.2024 во работните часови.
На осумгодишнината од одржувањето на планинарскиот предизвик „12 Врвови“ во соработка со Културно Информативниот Центар Скопје ќе може да погледнете 30 одбрани фотографии сликани од нашиот најверен член, планинар и другар – Бобан Китановски, чиј објектив и фотоапарат редовно ги овековечуваат нашите искачувања, чекори и уживања на врвовите и планините во Македонија.
На овој настан ќе имаме прилика да го претставиме и второто подобрено издание на книгата „Планински врвови во Македонија“ од Марио Шаревски, која што е збирка на податоци за 61 планински врв искачени во првото петолетие на предизвикот со додаток за Првата – Западна Македонска Трансверзала и бројни мапи од планинарските патеки.
Изложбата ќе биде отворена со поздравен говор од г-дин Зоран Читкушев, претседател на Федерацијата за планинарски спортови на Македонија – ФПСМ.
