Сопругата на Џејми Оливер, Џулс, имала спонтан абортус за време на карантин. Ова е нејзин трет абортус од 2016. година кога го роди нејзиниот најмлад син Ривер.
Џулс и Џејми имаат пет деца. Во посета на подкастот „Made By Mammas“, Џулс откри дека имала спонтан абортус пред три недели.
“Јас навистина сакам уште едно дете, но морам да размислувам дали е тоа добра идеја, ментално. Но, и физички, бидејќи имам 45. години, тоа е малку чувствително. Џејми е сè уште за тоа … Ќе се обидам уште една година, а потоа навистина ќе го затворам тоа поглавје затоа што сум многу среќна и исполнета“, рекла Џулс.
Таа открила и како се чувствувала после абортусот.
“Отидов на лекар и тој ме праша како сум ментално. И јас навистина почнав да размислувам за тоа. Па, ова е петти спонтан абортус досега, имав два пред Ривер. Некако, кога ќе забременам, мислам дека нема да ја задржам бременоста и продолжувам понатаму“, објаснила таа.
Таа веднаш не им кажала на својата мајка и сестри дека имала абортус.