„Долго ќе го памтам ова“, рекол фламанскиот политичар по грешката со гардеробата.
За градоначалникот на Антверпен, Бард де Вевер, новата година не почнала баш најдобро – тој бил фатен како дава интервју без важен дел од гардеробата – панталони.
„Носите убава кошула што веројатно ја носевте поради нас. Но, дали е можно да немате панталони “, го прашала водителката на Радио 2, Ким Дебри, во интервју кое било емитувано на Интернет.
Де Вевер, лидерот на сепаратистичката Нова фламанска алијанса и еден од најмоќните политичари во Белгија, направил почетничка грешка – тој дал интервју пред огледало, па на одразот можеле да се видат неговите голи нозе.
„Од каде знаеш?“, прашал Де Вевер. „По ѓаволите, затоа што седам пред огледало. Не се сетив на тоа. Оваа година започна многу непријатно и ќе го паметам ова долго време“, додал тој.
Лидерот на Француското либерално движење Жорж-Луј Бушер преку социјалните мрежи му понудил шорцеви на Ду Вевер во боите на белгиското знаме.
Beste @Bart_DeWever ik heb een nieuwjaarsgeschenk voor jou 😉 Ik wens jou en je familie het allerbeste voor 2021! #HappyNewYear2021 #belgium 🇧🇪 pic.twitter.com/m7ZlXooJeo
— Georges-L BOUCHEZ (@GLBouchez) January 2, 2021
Фото: Скриншот/vrt.be/vrtnws/nl