Рони Вуд и сопругата Сали прв пат се сретнале пред 10. години додека тој бил во брак со друга жена, а иако никој не мислел дека поради разликата во години нивната врска ќе успее, тие го докажуваат спротивното…
Рони Вуд и сопругата Сали се венчале во декември 2012. година после само шест месеци врска.
Поради големата разлика во години, легендарниот музичар има 72., а театарската продуцентка 41., многумина мислеле дека бракот нема да потрае. Но, тие денес се родители на тригодишните близначки Грејси и Али, а според последната фотографија која Сали ја ставила на Инстаграм, изгледаат посреќни од било кога и уживаат во секој момент што го минуваат заедно.
Овој пар првпат се сретнал пред 10. години кога Сали работела во театарот Royal Drury Lane, а Рони бил во брак со втората сопруга Џо Вуд.
Рони од бившиот модел се развел во 2008. година, а со Сали се „сплеткал“ три години подоцна. Брачните завети ги размениле во Лондон, на интимна церемонија, а на Рони кум му бил Род Стјуарт.
Сали неодамна изјавила дека би сакала повторно да роди близнаци.
„Би биле многу среќни ако тоа повторно се случи“, заклучила.
Рони кој е познат по хедонистичкиот начин на живот, кон крајот на минатата година изјавил дека се заситил од дрога и алкохол и дека сега сака да води помирен начин на живот. Додал дека понекогаш се напива чаша вино или пиво, но дека тоа е се’ што си го дозволува.
„Се заситив. Беше време да престанам“, заклучил славниот музичар.