Гробари во Русија најмиле полуголи модели за нивната компанија во обид да продадат што е можно повеќе ковчези.
Оваа компанија од Москва се надевала дека неколку модели во долна облека ќе ја зголемат продажбата, но наместо тоа наишле на гнев во јавноста.
„Имаме свој персонал од квалификувани работници кои ја надгледуваат организацијата на погребот во секоја фаза – од документација до робредот“, се вели во описот на кампањата на социјалните мрежи.
Контроверзната реклама привлекла големо внимание а корисниците на социјалните мрежи го изразиле своето негативно мислење.
Еден корисник напишал дека рекламата е „невкусна и навредлива“, додека други ја опишале како „богохулење“.
„Ова е ужасно, вистинскиот ужас е што луѓето ги изгубија сите граници. Светот полуде“, напишал еден корисник. Некои пишувале дека погребот е нешто што е приватно и секако не го заслужува овој начин на рекламирање.