(ФОТО) Полнет „расцветан“ леб

На трпезата, како предјадење или збогатување на свечено мени, добро ќе дојде еден леб со кашкавал, моцарела, кромитче со путер…
Изгледа комплицирано, но всушност е едноставно за подготовка, а вкусно…сликата говори повеќе од 1.000 зборови.
Доколку не сакате кромид лепчето ќе биде подеднакво вкусно и без него, а можете да зачините со магдонос, оригано…
Потребно е:
100 г. чедар, тенко исечен, или кашкавал по вкус
100 г. моцарела, тенко исечена
3 млади кромитчиња, ситно исечкани
1 округол леб од 400 г.
70 г. истопен путер
2 лажици сусам
2 лажици ленено семе
Подготовка: лебот исечете го по должина, а потоа и по ширина, да добиете коцки во големина на залачиња.Не сечете до крај, туку до долната кора, за да лебот остане цел и компактен и не се растури додека се пече.
Округло тавче покријте со алуминиумска фолија, три пати подолга од лебот.
Во исечениот леб ставајте парчиња кашкавал.
Потоа нанесете ја смесата со кромид, путер и семиња.
Кога ќе го исполните лебот, завиткајте го во фолија и ставете во рерна загреана на 180 степени и оставете да се пече 15. минути.
Одвиткајте ја фолијата и вратете во рерната на уште 10 минути додека не се истопи сирењето.
Послужете веднаш.