Унгарскиот суд денеска би требало да ја соопшти одлуката дали ќе дозволи екстрадиција на осудениот екс премиер, Никола Груевски, кој се наоѓа во бегство во Будимпешта.
Како што информираат унгарските медиуми, тој денеска пристигнал во судот и го следел судењето со безбол капче и очила за сонце но и со палто врз рацете за да ги покрие лисиците.
Неговите адвокати побарале рочиштето да биде затворено за медиумите, а обвинителството се согласило.
Министерство за правда на Република Северна Македонија побара екстрадиција за Груевски за отслужување на двегодишната затворска казна за предметот на СЈО „Тенк“.
Фото: hvg.hu