Легендарниот моден дизајнер Џорџо Армани станал сопственик на целиот последен кат на историската зграда на Менхетен со поглед на Централниот парк во Њујорк.
Според пишувањето на Wall Street Journala, 85-годишната модна икона има близу 300 м2 простор, со четири спални соби и четири купатила. Цената на пентхаусот е 17,5 милиони долари, а претходниот сопственик беше Џон Легер од Т-Мобиле.
Станот од 1929. година е во продажба од февруари 2018. година. Го дизајнирала една од најреномираните архитектонски фирми „Шварц и Грос“ и го редизајнирало студиото од „ШелтонМиндел“. Резултатот од модернизацијата е нео-ренесансен стил со елементи на Beoux Arts.
Високите тавани и мозаиците на прозорците му даваат на просторот црковен изглед, а тоа е дополнително засилено со антички лустери и вградени полици
Меѓу многуте удобности на станот се и вратар, фитнес-центарот, игротеката за деца, просторија за алишта и магазин, а посебен аспект на приказната е историјата на овој простор.
Според некои извештаи, станот некогаш бил во сопственост на магнатот Вилијам Рандолф Херст и неговата сопруга Мерион Дејвис. Архитектот на „Легере“, Ли Миндел, наводно, ги пронашол нејзините иницијали врежани во камини, како и портрет на жена која личи на Дејвис.