„Брои до 3“ сеуште активно ја слушаме, а песната е хит кој високо котира на топ листите кај нас. Но, не само кај нас, туку и надвор од нашата земја песната бележи успех и е слушана. Имено „Брои до 3“ влезе во полуфиналето на конкурсот за наградата Милан Младеновиќ кој секоја година го организира невладината организација „Zadužbina Milana Mladenovića“ што е потврда за квалитетот на овој наш скопски состав.
И така, кога сеуште не сме си ги средиле импресиите и не сме се изнаслушале од „Брои до 3“ момците од Fiction ја објавуваат нивната нова песна Допир.
Допир е моќна рок нумера со извонреден текст, а Петар, Виктор, Филип и Теодор по којзнае кој пат ја покажуваат нивната кративна и музичка зрелост.
Уживајте во новата песна и се надеваме дека набрзо ќе можеме да ги слушнеме и видиме во живо на некој настап или фестивал.