Дневникот на лудиот – седма година на независната сцена

„Дневникот на лудиот 1“ гостува во Театар „Јордан Хаџи-Константинов Џинот“ Велес на 9 април (вторник), 20ч. Ова е 54та изведба на овој проект, текстот на првиот дел е по Николај В. Гогољ, режијата е на Ѓорѓи Ризески а игра актерот Бобан Алексоски, асистент на режија е Тамара Стојаноска во продукција на Театар „Златен Елец“ Скопје. Седма година претставата е актуелна на независната македонска театарска сцена и до сега се играла насекаде низ Македонија, но и надвор од границите на државата, низ годините претставата имаше неколку награди и номинации:
– Награда за најдобра режија за Ѓорѓи Ризески на „БАТТИФ“ Тирана, Албанија (2017);
– Награда за најдобар актер за Бобан Алексоски на „БАТТИФ“ Тирана, Албанија (2017);
– Награда за најдобар актер за Бобан Алексоски на „Лица без маски“ Скопје (2019);
– Награда „ПРЕСПАНСКИ ДИОНИС“ за Бобан Алексоски на „Актерот на Европа“ Преспа, Ресен (2020);
– Номинација за најдобра режија за Ѓорѓи Ризески на Saint Muse Theater Awards, Интернационален театарски фестивал во Улан Батор, Монголија (2020);
– Номинација за најдобар актер за Бобан Алексоски на Saint Muse Theater Awards, Интернационален театарски фестивал во Улан Батор, Монголија (2020);

Дневникот на лудиот“ е авторски проект, трилогија на три монодрами работени по текстови на различни автори (Гогољ, Лу Син и Ги Де Мопасан). Проектот е започнат со работа во септември 2017 година и трае и се надоградува сѐ до денес со успешни 54 изведби на многубројни фестивали и гостувања. Секоја монодрама од трилогијата може да се игра како засебна претстава, но и заедно како поврзана приказна. Проектот ги истражува сите досегашни текстови напишани на тема „Дневникот на лудиот“ и е еден од ретките проекти во Македонија кој се занимава со сериски театар со три продолженија.


„Првиот дел од трилогијата „Дневникот на лудиот“ се занимава со тоа колку е важно да се има поддршка за да се успее во животот, колку сме виновни што сме добиле или не сме добиле од него. Разочарувањето не е одговор, има нешто среќно што го трагаме сите, но многу пречки што самите сме ги создале не ни дозволиле за да конечно го најдеме и му се радуваме до крај. Денес сите некако стравуваат да дадат вистински одговори и владее лицемерие на големо, владеат и лагата и лакомоста. Со една реченица – себичното општество го оштетува човекот до крајот на животот“ – велат од независниот театар за претставата.

Билетите може да се набават на билетарницата од театарот или на сајтот „Купи Карти За Се“.


©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.

Видете следно

Промоција на романот „Победникот беше таа“ од Викторија Костадиновска

Вечерва во Збор Книжарница-кафе во Скопје, со почеток во 19:00 часот, ќе биде промовиран првиот …