ekran платформа за слободоумни
Дејан Дуковски е роден во Скопје на 25 април 1969 година. Тој е истакнат македонски драмски автор. Дипломира драматургија на Факултетот за драмски уметности во Скопје (1990). По дипломирањето работи како драматург во Македонската радио-телевизија (1990-1993). Во 1993 година на ФДУ е избран за асистент по предметот филмско и телевизиско сценарио, а од 1996 година е доцент на Катедрата за драматургија.
Книжевно творештво (драми);
- „Балканска гротеска“ (1988)
- „Последниот балкански вампир“ (1989)
- „Силјан штркот шанца“ (1991)
- „Џинот и седумте џуџиња“ (1991)
- „Балканот не е мртов“ (1992)
- „Буре барут“ (1994)
- „Маме му ебам кој прв почна“ (1996)
- „Другата страна“ (2003)
- „Празен град“ (2007)
Ги напишал сценаријата за играните филмови Светлосиво“ (1993) и „Буре барут“ (1995).
Според сценариото на „Буре барут“ е снимен игран филм, копродукција на продуцентските куќи од Македонија, Франција, Германија, Турција, Југославија и од Грција. Филмот учествува на познати светски фестивали и ги добива наградите: FIPRESCI – награда од критиката на Фестивалот во Венеција (1998); Награда на Европската асоцијација на критичарите (Лондон, 1998); Гран-при на Фестивалот во Анталија, Турција (1998); Награда,„Бронзена камера 300“ на Меѓународниот фестивал на филмска камера „Браќа Манаки“ (Битола, 1998); Гран-при на меѓународен филмски фестивал (Хаифа, Израел, 1999). „Буре барут“ е најпоставуваниот драмски текст на Дуковски и е изведуван во Грција, Јапонија, Германија, Хрватска, Данска, Холандија, Шведска, Бугарија.
Добитник е на следните награди:
- Награда за најдобар современ драмски текст на Македонскиот театарски фестивал „Војдан Чернодрински“ – Прилеп, за драмските текстови „Балканот не е мртов“ (1993) и „Буре барут“ (1995);
- Гран-при на меѓународниот театарски фестивал БИТЕФ за драмскиот текст „Маме му ебам кој прв почна“ (Белград, 1997)
Среќен роденден Дејан ти посакува редакцијата на Екран.
