Денес повторно дожд – еве какво време не очекува наредните денови!

Вчерашниот дожд нема да биде само спомен туку ќе го има и денес, како и ниските температури за овој период од годината…

Времето денеска ќе биде променливо облачно со локални врнежи од дожд и со умерен до засилен северен ветер. На места ќе биде нестабилно со пороен дожд и грмежи. Минималната температура ќе биде во интервал од 3. до 12., а максималната ќе достигне од 15. до 22. степени Целзиусови.

Во Скопје ќе биде променливо облачно со повремен дожд и услови за ретки грмежи. Ќе дува умерен до засилен ветер од северен правец. Минималната температура ќе се спушти до 8., а максималната ќе достигне до 19. степени.

И во наредните денови ќе продолжи периодот на променливо облачно време со повремени врнежи од дожд. На места ќе биде нестабилно со пороен дожд, грмежи и засилен ветер. В четврток ќе дува умерен до засилен северен ветер.