ekran платформа за слободоумни
Во нумерологијата и духовноста, нумеричките низи се гледаат како ангелски броеви, односно низа броеви што ви носат моќни пораки од Универзумот.
12.12. се смета за најмоќниот ден во годината, се отвора порталот број 12., а оваа серија на бројки ја носи потребната енергија за позитивна трансформација, како на сопственото битие, така и на односите со другите.
Оваа нумеролошка низа ќе му донесе на секој од нас одредена моќна порака на универзумот. На пример, ако сте на погрешен пат, ќе се појави чувство кое ќе ве поттикне да се вратите на раскрсницата на животот и да изберете добар пат за себе. Или, ќе станете свесни за вашите грешки од минатото и ќе знаете кои аспекти од вашиот живот треба да се променат за да станете најдобрата верзија од себе.
12. е моќен број во нумерологијата кој симболизира позитивни промени, но тие се јасни, лесни и директни. Тоа значи крај на еден циклус и отворање на нови врати на животот во кои ќе можете да се соочите со предизвиците и да најдете повеќе надеж за годината што ни доаѓа.
Единицата претставува нов почеток и лидерски способности, а двојката е бројот на рамнотежа и хармонија. Кога се комбинираат, тие даваат моќна низа и силна енергија што поттикнува самореализација.
Исто така, оваа низа нè поттикнува да градиме подобри односи и релации со блиски луѓе, да простиме и да обновиме некои стари пријателства во љубовта. Тоа нè поттикнува да се поврземе со сопственото битие, да ги читаме кодовите на сопствената душа и да откриеме што повеќе не ни треба и што не саботира. Таквата енергија вреди да се ослободи, и да се прифати и да се пригрли новата космичка моќ на промени што ни доаѓа.
Денес е важно да започнете нешто ново, нешто што долго време сакате да го направите. Се’ што започнува денес има шанса да биде голем успех.
12.12. Испраќајте само позитивни мисли до универзумот.
Во овие денови вежбајте оптимизам и имагинација и не заборавајте дека најголемите чуда се случуваат кога најмалку ги очекуваме.
