ekran платформа за слободоумни
Брус Фредерик Џозеф Спрингстин е роден на 23 септември 1949 година во Лонг Бранч-Њу Џерси, и е еден од најпознатите американски рок пејачи, гитаристи и композитори. Се смета за музички наследник на Елвис Присли, Вуди Гатри, Пит Сигер и Боб Дилан.
Брус бил под големо влијание на рок и блуз музиката од 1960-тите. Тој е познат по своите поетски општествено свесни стихови и енергични сценски изведби кои понекогаш траат и до 4 часа. Го добил прекарот „Шефот“. Неговите текстови често се однесуваат на искуствата и борбите на американците од работничката класа. Хероите на неговите песни се луѓе од американските предградија (често од неговиот роден Њу Џерси), кои се соочуваат со секојдневни егзистенцијални проблеми, а нивните приказни се претставени елоквентно и романтично.
На почетокот на 2014 година, Спрингстин го објавил својот 18. студиски албум под наслов „High Hopes“ со неговата група „E Street Band“, а како гостин на албумот се појавува и гитаристот Том Морело (член на „Rage Against the Machine“). Албумот бил најавен во ноември 2013 година, кога биле објавени песната „High Hopes“ и видео спотот за неа.
Добитник е на голем број награди и признанија.
Денес, во негова чест слушнете го еден од неговите најголеми хитови „Born in the USA“
