Амбасада на Италија, Скопје – ревија на современ италијански филм

Од 6-ти до 9-ти ноември во Киното Cineplexx во Скопје Сити Мол ќе се одржи ревија на современ италијански филм под називот Cinema Made in Italy.

Настанот, кој во нашава земја се одржува за прв пат, е организиран од Cinecittà, Италијанскиот институт за култура од Белград, Амбасадата на Италија во Скопје  и Cineplexx Skopje City Mall.

 Програмата  вклучува четири филма од најновата италијанска продукција, кои беа прикажани на последното издание на Филмскиот фестивал во Венеција:
Убаво лето (2023) во режија на Лаура Лукети
Како овци меѓу волците (2023) во режија на Лида Патитучи
Мими – принцот на ноќта (2023) во режија на Брандо Де Сика
Адаџо (2023) во режија на Стефано Солима

 Филмовите се титлувани на македонски јазик, а проекциите започнуваат во 20 часот. Сите приходи од продажбата на билетите со сомболична цена од 120 денари, како и од донациите на посетителите, ќе бидат наменети на Здружението за поддршка на лица со посебни потреби „Дајте ни крилја” од Скопје.

 Филмската ревија е дел од богатата програма на настани организирани од Амбасадата на Италија во Скопје, по повод одбележувањето на 30. годишнината од востпоставувањето на дипломатските односи помеѓу Италија и Република Северна Македонија.

 Повеќе информации за програмата и за филмовите можете да најдете во каталогот на следниот линк: https://tinyurl.com/CinemaMadeInItalyCATALOGUE