Возбудливиот македонски игран филм М – делумно трогателна приказна за растењето/ делумно дистописка ноќна мора на Вардан Тозија, ја освои наградата „Најдобар интернационален филм“ на Интернационалниот филмски фестивал „Ноќ на хорор“!
Приказната на Тозија за осамено момче од шумата, кое наидува на низа предизвици и авантури, барајќи ја својата самовила, токму во официјалната селекција на овој фестивал ја претстави македонската кинематографија пред американската публика.
По премиерата се одржаа дискусии меѓу режисерот и членови на индустријата, како и разговори со публиката. Светските права за дистрибуција на македонскиот филм “М” ги поседува американската компанија OneTwoThree Media.