Среќен роденден Весна Петрушевска !!!

Весна Петрушевска е родена на 10 март 1970 година во Скопје. Дипломира на Универзитетот „Св. Кирил и Методиј“ на Факултетот за драмски уметности,Скопје, на отсекот за актерска игра во класата на проф. Димитрие Османли во 1992 година. Од 1993 година работи во Македонски народен театар – Скопје.

Остварила бројни театарски улоги:

• Актерката Добрила (Без галама, 2018), автор: Мајкл Фрејн, а во колективна адаптација, режисер: Тони Михајловски, копродукција: Македонски народен театар и Брачна игра;
• Мајката на Ана (мјузикл Тајно моја, 2017), либрето: Огнен Неделковски, режисер: Тони Михајловски, продукција: Македонска опера и балет;
• Џилијан (Брачна игра, 2016), автор: Едвард Олби, режисер: Тони Михајловски, продукција: Македонски народен театар;
• Геле Лав (монодрама Последна шанса, 2014), автор: Мирјана Бобиќ – Мојсиловиќ, режисер: Синиша Евтимов, продукција: Македонски народен театар;
• Среќата (Сината птица, 2014), автор: Морис Метерлинк, режисер: Златко Славенски, продукција: Македонски народен театар;
• Деспина Поплавска (Вечната куќа, 2013), автор: Јордан Плевнеш, режисер: Дејан Пројковски, продукција: Македонски народен театар;
• Марта (Кој се плаши од Вирџинија Вулф, 2012), автор: Едвард Олби, режисер: Синиша Евтимов, продукција: Македонски народен театар;
• Живка министерка (Госпоѓа министерка, 2009), автор: Бранислав Нушиќ, режисер: Наташа Поплавска, продукција: Македонски народен театар;
• (Хамлет во транзиција, 2004), автор: Светислав Басара, режисер: Сашо Миленковски, продукција: Македонски народен театар;
• Неда (Доле влада, 2004), автор: Сашко Насев, режисер: Сашо Миленковски, продукција: Македонски народен театар;
• (Црна дупка, 2003), автор: Горан Стефановски, режисер: Сашо Миленковски, продукција: Македонски народен театар;
• Ленче (Ослободување на Скопје, 2002), автор: Душан Јовановиќ, режисер: Срѓан Јаниќијевиќ, продукција: Македонски народен театар;
• Маркиза де Мертеј (Опасни врски, 2002), автори: Шадорло де Лакло и Кристифер Хемптон, режисер: Љупчо Ѓоргиевски, продукција: Македонски народен театар;
• (Вагинални монолози, 2001), автор: Ив Елснер, режисер: Димитар Станковски, самостоен проект во копродукција со Македонски народен театар;
• Лепа (Павилјони, 2001), автор: Милена Марковиќ, режисер: Срѓан Јаниќијевиќ, продукција: Македонски народен театар;
• Варвара Петровна (Демони, 2001), автор: Фјодор Михајлович Достоевски, режисер: Владимир Милчин, продукција: Македонски народен театар;
• Мерлин Монро (Мерлин Монро пак ли, 2000), автор: Димитар Христов, режисер: Игор Џамбазов, продукција: Македонски народен театар,

Од нејзината филмографијата ги издвојуваме:

• Дама 2 (До балчак, 2014), режисер: Столе Попов;
• Вики (Контакт, 2005), режисер: Сергеј Станојковски;
• Весна Петрушевска (Стравот, документарен филм, 2013);
• Сања (Денес, утре, 1998), режисер: Игор Поп Трајков;
• Оли (Ангели на отпад, 1995), режисер: Димитрие Османли;
• (Крик на немиот индијанец, ТВ-филм, 1993).

Тв серии и тв проекти:

• „Бејби шоу“, 2005-2006;
• Сиси (Погрешно време, 2000/01);
• Мара (Наше маало, 1999);
• Мимоза (Салон Хармони,1998).

• Водител на Радио ток шоу „Вртелешка“ (2014, Радио Слободна Македонија);
• Водител на ТВ ток шоу „Вечер со Весна“ (2013/14, ТВ Алфа);
• Водител, програмски директор и координатор на ТВ ток шоу „Вртелешка“;
• Водител на ТВ ток шоу „Пулсирање“ (1986, Македонска радио телевизија);
• Сценарист и водител на гејм ток шоу „Пирамида“ (Канал 5 телевизија).

Автор е на автобиографска книга „Трофеј“ (2016), издавач: Три

Добитничка е на награда за ТВ водител за 2000, 2001, 2002 и 2003 година на манифестацијата „Златна буба мара на популарноста“.

Среќен роденден Весна ти посакува редакцијата на Екран.