Во рамките на Меѓународниот ден на млади, денес 11 август 2023 година во паркот на Франкофонијата ќе се одржи проекција на филмот „Нешто слатко“. Настанот е од отворен тип и ќе започне во 20:30 часот.
Во склоп на истиот ќе се послужуваат освежителни пијалоци, со цел да се осигура добра и пријатна атмосфера.
Оваа година во фокус се зелени вештини за млади, и како, заеднички до одржлив развој и позелен свет. Успешната транзиција зависи од развојот на зелените вештини кај населението.Зелените вештини се релевантни за луѓето од сите возрасни групи, но младите можат да дадат придонес за зелената транзиција подолг временски период велат организаторите на овој настан.
Во духот на овогодишената тема „Зелени вештини кај млади лица за одржлива средина“, за проекцијата на филмот ќе се користи струја која ќе се произведува од вртежи на велосипеди, со цел заштеда на електрична енергија, а со тоа и заштита на животната средина.
Бидете дел од овој настан !!!