ekran платформа за слободоумни
Македонскиот народен театар, со оглед на состојбата со пандемијата со коронавирус, реши љубителите на театарот да не ги остави без претстави. Поради тоа тие од денес ја спроведуваат акцијата „МНТ во вашите домови“…
„Драга публико, бидејќи овие денови не можете да уживате во магијата на театарската игра, МНТ е секогаш тука за вас. Од утре со почеток од 20. часот стартуваме онлајн и во вашите домови, каде што бесплатно преку нашиот YouTube-канал можете да ги гледате претставите со следниот редослед: 18.3. „Сомнително лице“, 19.3. „Изгубени Германци“, 20.3. „Парите се отепувачка“, 23.3. „Да тргнеме Сењор“ и 24.3. „Мајсторот и Маргарита“.
Останете дома, очекувајте ги линковите за секоја претстава, почитувајте ги препораките, бидете со нас и гледајте нѐ онлајн“, најавија од МНТ.
