Во вторник, 19.09.2023 година, во Македонската Филхармонија – мала сала, со почеток 20:00 часот, ќе се случи концертната промоција на маестралниот и светски етно албум „Од колено на колено“ на Александар Јовевски.
,,Од колено на колено” e нов музички етно проект (албум) на Александар Јовевски на кој базата е македонскиот фолклор, традиција и идентитет. Во составот на проектот има повеќе професионални музичари и се застапени народните инструменти: кавал, тамбура, канон, женски вокали, и е збогатено со клавијатури. На носачот на звук ,,Од колено на колено” се застапени обработки на стари македонски изворни песни, но и авторска музика, творена во духот на македонската традиција но со нов музички израз по кој е препознатлив мултиинструменталистот, композитор, аранжер и автор Александар Јовевски.
Покрај тоа што е музички лидер на етно составот „Монистра“ и е дел од речиси сите етно проекти во државата Александар Јовевски со овој нов проект ,,Од колено на колено”, допринесува со уште еден квалитетен музички бисер и музички материјал, за претставување на нашата македонска песна и оро во државата но и надвор од неа, и претставување на народните инструменти кавал, тамбура, канон. На концертот ќе има специјални гости а тоа се Етно составот Монистра , еден од најетаблираните етно групи во Македонија , амбасадор на македонската етно музика како во државата така и во светот и гудачки квартет.
Билетите за концертната промоција можете да ги набавите онлајн преку продажната мрежа на Купи карти за се.