Во четврток на 25 април 2024 година на техничкиот кампус на УКИМ (МФС, ФЕИТ, ФИНКИ, ТМФ), со почеток во 20:00 часот ќе биде одржана проекција под ведро небо на два филма од домашната продукција, со цел да се преслика духот на летното кино дури и само за една ноќ.
Ќе бидат прикажани филмовите: „Тага“ во режија на Тина Величковиќ и „Лена и Владимир“во режија на Игор Алексов.
Дебитантските дела на младите режисери се остварувања во кои се вложени огромен труд, посветеност и љубов. Наративните се искрени, со голем актерски влог и со умешни нијанси на продукциски решенија кои носат свежи перспективи на домашната кинематографија.