ekran платформа за слободоумни
Јајцата од диносаурус може да се најдат насекаде низ светот, но оние што содржат ембриони се многу ретки. Ова го ограничува нашето разбирање за развојот на диносаурусите и затоа има многу мистерии што палеонтолозите мора да ги откријат. Новиот фосил на ембрион на дионсаурус пронајден во јужната кинеска провинција Џиангкси може да помогне.
Научниците од Музејот за наука и технологија Фуџијан и кинескиот универзитет за геонауки ги објавија резултатите од нивното откритие овој месец, што се однесува на ембрионите од диносаурусот. Тие веруваат дека фосилот е вид на хадросаур, диносаурус „со клун од патка“. Тоа е вид на џиновски тревојади диносауруси кои живееле при крајот на ерата на диносаурусите. Иако ова не е првпат да се открие ваков ембрион, Јинг Бебе е убедливо најдобро сочуваниот досега.
Неодамна беше откриено одредено количество субсферични јајца од диносаурус при експлозија изведена како дел од градежен проект во црвените слоеви на горната креда во провинцијата Џиангкси во Кина.
„Најмалку две јајца содржат препознатливи ембриони на хадросауроид, кои беа опишани за прв пат“, велат научниците.
Природонаучниот музеј Јинглијанг во источната кинеска провинција Фуџијан, каде што моментално се наоѓа ембрионот, примерокот го нарекле Јинг Бебе, а јајцата се со елипсоидна форма и со дијаметар од околу 9 сантиметри. Една од најважните нови информации дадени од ова откритие за развојот на диносаурусите е дека малата големина на јајца и ембриони имплицира дека диносаурусите со клун од патки имале мали јајца и доцен развој на телото како примордијална особина.
Додека трае истражувањето на ембрионските фосили, кои се многу ретки бидејќи повеќето исчезнуваат во лушпите на јајцата, може да се обезбедат вредни информации за проучување на репродуктивниот развој, однесувањето, еволуцијата и палеоекологијата на диносаурусите кои исчезнале пред 66. милиони години. Бидејќи се познати повеќе од 700. изумрени видови диносауруси, научниците имаат уште многу да откријат.
