На интернет се појавија првите официјални фотографии од двата модели со високи перформански на БМВ пред премиерата на овие автомобили.
Дека премиерата на БМВ М3 и М4 е многу близу, сведочат и фотографиите кои, веќе традиционално, „случајно“ се појавуваат на интернет како најава за официјалната премиера на некој нов модел.
Очекувано, и двата модели имаат нов дизајн на предниот дел, кој баварскиот произведувач го претстави првенствено на моделот Серија 4 Купе, а чие главно обележје се големите „бубрези“ на предната маска.
Сепак, најважен дел од овие два модели е моторизацијата.
Најавено е дека М3 и М4 ќе користат исти погонски единици од моделите X3 M и X4 M.
Станува збор за 6 цилиндарски 3.0 твин-турбо мотор кој произведува 479 коњски сили.
Во понудата би требало да се најде верзија и со нешто помоќен мотор од 510 коњски сили.
Силата се пренесува на сите тркала со помош на 8 степен автоматски менувач, но за љубителите на мануелно менување, достапен е 6 брзински мануелен менувач.