Илузионистот со германско потекло Зигфрид Фишбахер, втор член на волшебното дуо „Зигфрид и Рој“, почина во средата вечерта во неговиот дом во Лас Вегас од рак, се дознава од неговиот агент во четвртокот.
View this post on Instagram
Зигфрид почина на 81-годишна возраст, осум месеци откако неговиот партнер Рој, кој почина во мај на 75-годишна возраст од компликации поврзани со ковид-19, исто така во Лас Вегас, рекол нивниот агент Дејв Кирвин во изјавата.
Во светската престолнина на коцкање и блескави забави, тие двајца се познати многу години благодарение на нивните настапи со диви животни – бели тигри и слонови – кои исчезнаа и повторно се појавија според нивната волја пред зачудената публика.
View this post on Instagram
Зигфрид и Рој ја започнаа својата кариера во 1967. година во вариетеа во Лас Вегас, а во 1980-тите станаа светски sвезди благодарение на нивните необични настапи. Белите тигри се нивна заштитена марка и со нив настапуваа скоро секоја вечер од 1990. година во преполна сала во славниот хотел Казино Мираж, тогаш најголемиот во Лас Вегас.
Зигфрид, роден во Розенхајм, Баварија, во 1939. година, ја открил својата склоност кон илузијата како дете, кога како осумгодишно момче во продавница наишол на книга за магионичарски вештини.
View this post on Instagram
Кон крајот на 1950-тите, тој се сретнал со Рој Хорн на крстарење и токму тогаш тие одлучиле да изведат точки заедно со егзотични животни, прво во Европа, а потоа во Лас Вегас. Тие се забележани во Париз и после тоа добиваат билет за светската престолнина на игрите на среќа.
Фото: Instagram