ekran платформа за слободоумни
Во “Дуќан” во Струга, денес, со почеток во 18:00 часот, ќе може да присуствувате на семинарот „Духовите на радиото” – Радио Ателје со уметникот Харис Сахачиќ кој престојува во Струга од 21.04-08.05 2024 година.
Главната идеја на семинарот е креативно да ги осознае уметничките, технолошките и општествените аспекти на радиото како глобален, интерконтиненталeн, регионален, локален и филозофски концепт кој годинава слави 100 години од првото радио емитување. Концептот на Радио ателје, се фокусира на практично, техничко и теоретско експериментирање со четирите аспекти на радио продукција: алатки; звучни кулиси; морфологија на артикулација; електро акустична продукција на звук.
Харис Сахачиќ доаѓа од Сараево, каде работи во независното радио Радио Црвена. Дипломирал на Баухаус универзитетот во Вејмар, специјалност Медиа дизајн. Овој семинар е наменет за сите ентузијасти од кои сакаат да експериментираат и да се изразуваат преку аудио медиски формати; да стекнат технички и теоретски знаења за радио продукција; мултимедијални уметници, електротехничари, програмери заинтересирани да кодираат звук и сите останати од југозападниот регион кои сакаат да ги збогатат своите вештини за аудио продукција.
Планирани се прошетки за “собирање” на звучни слики, работа во студио и други интерактивни сесии за индивидуално и групно експериментирање.
