ekran платформа за слободоумни
Лејди Гага одлучила драстично да го промени својот изглед.
39-годишната добитничка на Оскар била видена во Париз кон крајот на неделата со нејзината црна коса подолга и свиткана во меки бранови. Оваа нова боја е драстично отстапување од нејзината вообичаена платинесто руса коса.
Гага ја комбинирала смелата фризура со пастелно зелен свилен костум, под кој се гледала нејзината црна долна облека, а на сè додала и очила за сонце.
Lady Gaga in Paris pic.twitter.com/5rTYbLfXBA
— 𝚃𝙷𝙴 𝙼Ɐ𝚈𝙷𝙴𝙼 𝙱𝙰𝙻𝙻 ᵐᵃʸʰᵉᵐ (@CristianoG40531) November 22, 2025
Пејачката прави кратка пауза во Париз како дел од нејзината светска турнеја. Откако го заврши европскиот дел од шоуто во саботата, таа треба да се упати кон Австралија за неколку концерти во декември.
View this post on Instagram
Драматичната трансформација доаѓа откако Гага ја откри темната страна од нејзиниот настап во „A Star Is Born“, за кој доби Оскар.
Пејачката признала дека била под дејство на лекови за време на снимањето и дека кратко потоа доживеала „психотичен слом“, фрлајќи светлина врз интензивните притисоци зад нејзиниот подем кон суперѕвезда. Но, зад сцената, Гага вели дека се распаѓала.
Една недела откако доби седум номинации за Греми за нејзиниот нов албум Mayhem, пејачката отворено зборувала за Ролинг Стоун признавајќи дека нејзината „психа се распаѓала“ додека го снимала филмот.
– Го снимав филмот „A Star is Born“ на литиум. Еден ден отидов во болница на психијатриска нега. Морав да направам пауза. Не можев ништо да направам… Целосно се срушив. Беше навистина страшно. Имаше време кога мислев дека не можам да се опоравам… Се чувствувам навистина среќна што сум жива. Знам дека тоа може да звучи драматично, но знаеме како може да заврши ова – била искрена Гага.
View this post on Instagram
Сега таа вели дека мирот е конечен, но исто така и љубовта. Пејачката голем дел од своето закрепнување му го припишува на својот вереник, претприемачот Мајкл Полански, кој првпат беше поврзан со неа околу Нова Година 2019 година.
– Заљубувањето во некој што се грижи за вистинското јас направи голема разлика – изјавила таа за „Ролинг Стоун“. Но, тоа самооткривање барало напор.
View this post on Instagram
Гага сега се смета себеси за „здрава, целосна личност“, а нејзиниот последен албум, објавен во март оваа година, Mayhem, е прогласен за еден од најдобрите албуми во нејзината кариера. Откако продолжи да прави големи чекори во кариерата, пејачката сака да се фокусира на своето семејство:
– Да бидам мајка е она што го сакам најмногу. А тој ќе биде прекрасен татко. Многу сме возбудени поради тоа. Не сакаме голема свадба, но сакаме да уживаме во неа. Веќе се чувствуваме како да сме во брак, така што тоа нема многу да промени.
Фото: Принтскрин/Instagram
