(ВИДЕО+ФОТО) Ја нарекуваат „спонзоруша“ но таа не ја остава љубовта на својот живот:„Свршеникот е двојно постар и со друга боја на кожа, но јас го обожувам!“

Поради нивната врска се прекинати и некои негови и нејзини пријателства стари повеќе години, но тоа не ги оддалечило, туку напротив, ги зајакнало, објаснува Најлах и вели дека се „битни темелите“, а не фасадата…

Мексиканката Најла Мухамад (24) од Аризона е верена за татко на четири деца кој е двојно постар од неа, Џон Малот (48), и вели дека во него се вљубила на прв поглед.
Фитнес инструкторката Најлах го запознала Џон во 2016. година во клуб во кој со своите пријатели славел роденден, а како што вели тие се неразделни откако ги запознал нивен заеднички пријател. Симпатиите со текот на времето прераснале во љубов.

Парот никако не наишол на одобрување од луѓето кои им се блиски. Неговата ќерка која има 25. години не сакала никогаш да се запознае ниту да зборува со Најлах. Дури се обидувале да ги разделат ширејќи невистини за тоа дека Џон ја изневерува.

Сепак, парот останал во врска и една година подоцна Џон ја запросил својата девојка. Во меѓувреме неговата ќерка го променила мислењето за нив двајца. Инаку, Џон има четири ќерки: Џесика (18), Кариса (25), Лаурен (26) и најмладата која има само девет години.
“Никогаш не мислев дека некогаш толку многу ќе се вљубам и тоа само после неколку недели откако се запознавме, но со оглед на тоа дека постојано бевме заедно љубовта не преплави”, раскажа Најлах.

Таа признала дека Џон ја освоил со своите движења на подиумот, а покрај тоа тој е многу харизматичен, згоден и има добро срце. Додава дека нејзиното семејство на почеток не ја прифатило нивната врска, но кога подобро го запознале сфатиле колку нивната врска е сериозна.

“Беше тешко со неговите деца, особено со ќерката која е на мои години и која не сакаше да се запознае со мене. Кога конечно се запознавме станавме блиски и сега заедно излегуваме и сите се радуваат за нашата свадба”, додала возбудената Најлах.

“Џон и јас не сме иста раса, јас сум црна, а тој бел. Не сме на исти години. Поради тоа на луѓето им беше непријатно да бидат во наше друштво, па тешко беше да се поднесат некои погледи. Луѓето понекогаш шепотат кога поминуваме, а најчесто слушам: ’Зошто си со тој старец?’ и ’Спонзорушо’”, заклучила Најлах.