ekran платформа за слободоумни
Оливер Драгојевиќ боледуваше од рак на белите дробови и почина во 2018 година.
Кон крајот на летото 2017 година, зад веселото лице и препознатливата насмевка на еден од најомилените музичари на овие простори, Оливер Драгоевиќ, се одвиваше тивка и тешка борба. За време на лекарските прегледи, било забележано туморско ткиво, по што веднаш биле започнати детални тестови.
Криење од јавноста
Сознанието дека се соочува со сериозна болест го запрел неговиот свет за момент, но Оливер Драгоевиќ вешто го криел сето ова од јавноста. Не сакал сензација или сожалување. Во своите кратки изјави, тој останал смирен и достоинствен, само велејќи:
– Да, болен сум и моментално сум во процес на прегледи и анализи.
Иако во медиумите се појавија разни шпекулации, подоцна било потврдено дека станува збор за тешка форма на рак на белите дробови. И покрај дијагнозата, Оливер останал смирен и им верувал на лекарите, одлучувајќи се за класичен третман и јасна одлука да не ја прави болеста дел од својот јавен имиџ.
View this post on Instagram
– Наодите покажаа туморско ткиво и сега сум во процес на лекување. Им верувам на лекарите и одам по свој пат. Не сакам драма, сакам сè да биде како што треба – рече тој во едното од ретките појавувања.
Последните денови
Тој ги помина последните денови опкружен со своето семејство и најблиските. Неговата сопруга Весна подоцна сведочела за тие моменти, нагласувајќи го мирот и заедништвото што владееле до самиот крај.
– Не зборуваше последните три или четири дена, само спиеше. Беше оптимист до крајот. Секогаш бевме со него. Готвев за него и го хранев, слушавме музика што му се допаѓаше. Се однесувавме како ништо да нема да се случи. Не рековме дека е готово. Бевме обединето семејство, без груби зборови и нерешени односи. Беше смирен и знаеше дека сме добро – рекла Весна.
View this post on Instagram
Оливер Драгојевиќ замина тивко, онака како што живееше – достоинствено, опкружен со љубов, оставајќи зад себе музика која сè уште живее. Почина во јули 2018 година на 71-годишна возраст.
Фото: Принтскрин/Instagram
